#

Hûnî Gözün Ki Dîn Aluban Kasd-ı Cân İder

Şairin diğer şiirlerini okuyun

Hûnî gözüñ ki dîn aluban kasd-ı cân ider
Kendüye assı itmez ü halka ziyân ider

Gamzeñ komadı cân ki aña irmedi zahm-ı tîr
Kaşuñ aceb dahı nişe kasd-ı kemân ider

Sünbül saçuñ u gül yüzüñüñ fürkatı beni
İçümi lâle yaşlarumı ergavân ider

Bendini saçuñuñ anuñ-ıçun çözer sabâ
Kim müşgini Hıtây iline armagan ider

Zülfünden oldı mucize-i Mûsî âşikâr
Lali dudaguñuñ dem-i Îsî ayân ider

Serv-kadüñ hayâli-y-içün gözlerüm benüm
İy niçe çeşmeler yire döküp revân ider

Ol kâmet-ile ol lebi añduhda Ahmedî
Togrulıg-ıla her sözi şîrîn beyân ider

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |