#

Saçun Rûhu?llah-ıla Hem-nefesdür

Şairin diğer şiirlerini okuyun

Saçuñ Rûhu?llah-ıla hem-nefesdür
Anuñ-çun cân u dil aña hevesdür

Tenüñüñ aksi-durur nûrı ayuñ
Güneş dav?ı yüzünden muktebesdür

Zi şîrîn kim dudagu şekkerinüñ
Katında tûti-yi cân bir megesdür

Baña zülfüñ dahı ne fitne ider
Gözüñüñ işvesi ho? baña besdür

Lebüñ şavkı-y-la ki oldur Âb-ı kevser
Gözümden dökilen Nîl ü Arasdur

Saçuñdan zülfüñe itdi cân şikâyet
Belâyı sandı kim feryâd-resdür

Yoluña Ahmedî cân virür-ise
N?ola cân didügüñ çün bir nefesdür

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |