#

Işkun Odı Derdüme Devâdur

Şairin diğer şiirlerini okuyun

Işkuñ odı derdüme devâdur
Kahruñ kamu mihr-ile vefâdur

Zülfüñ girihin heves ider cân
Zîrâ bilür anı hoş-hevâdur

Vasluñ güherin suda bulam dir
Yaşa gözüm andan âşinâdur

Yoluñ tozına yüzüm sürerem
Ki ol yaşlu gözümü tûtiyâdur

Fitne gözüñe savâb sanup
Nergis dimişem velî hatâdur

Kıble eyledi gözlerüm yüzüñi
Gör kim arada ne hoş safâdur

Ger cân u ten ü eger dil ü dîn
Işkûn yolına kamu fidâdur

Zâhirsin ü bâtın evvel âhir
Ne ola ki senden ol cü?âdur

Ol dâm-ı belâ-durur saçuñ kim
Bin Ahmedî anda mübtelâdur

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |