#

Fettân Saçun Selâsili Müşgîn Degül Midür

Şairin diğer şiirlerini okuyun

Fettân saçuñ selâsili müşgîn degül midür
Dîvâne olmayan aña miskîn degül midür

Her kanda kim safâsı irişe cemâlüñüñ
Ol yir tolu şakâyık u nesrîn degül midür

Zülfüñe irdi bâ?-ı sabâ bu hevâ-y-ıla
Âfâk tolu bû-yı reyâhîn degül midür

Hicrüñ odına yanar-iken şem bigi cân
Kan yaşı-la tonum kamu nem-gîn degül midür

Sen kîş baglanup yüridügüñde şer-ile
Kurbânuñ olmayan kişi bî-dîn degül midür

Kaşuñ güvâhdur ki gözüñ câna kasd ider
Ho? câdû işi fitne-y-ile kîn degül midür

Hüsn ehline egerçi cefâ-pîşedür müdâm
Âşık nüvâzişi dahı âyin degül midür

Söz kim dir Ahmedî lebüñüñ zikrin idicek
Şîrîn ü nâzük ü ter ü rengîn degül midür

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |