#

Ol Dost Bir Dahı Bize Ger Hem-nişîn Ola

Şairin diğer şiirlerini okuyun

Ol dost bir dahı bize ger hem-nişîn ola
Devlet bizümle yâr u saâdet karîn ola

Aña ki yâr zikr-ile göñlin üns ide
Âteş Halîl bigi gül ü yâsemîn ola

Her kim ura kadem ki ire yâruñ işigine
Hârâ o har ayagına dîbâ-yı Çîn ola

Olmaya müşterî güneşe ol ki dil-beri
Sinüñ bigi kamer-ruh u zühre-cebîn ola

Kanmadı fitneden kanum içüp kara gözüñ
Bu câ?û-yı siyâh-dilüñ kasdı dîn ola

Kurbân olam kemânına ol gamze ohınuñ
Ki anuñ kemîne-pîşesi câna kemîn ola

Fikr eyledükde lal-i lebüñ dürciñ Ahmedî
Her söz ki nazme derc ide dürr-i semîn ola

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |