#

Çün Süñügüm Çüriyiben Gerd Ola

Şairin diğer şiirlerini okuyun

Çün süñügüm çüriyiben gerd ola
Işkuñ odından içümde derd ola

Ben yoluñda varlıgumı virmişem
Her ki âşıkdur gerek cömerd ola

Derdüni aldum virüben cân bahâ
Her ki derdi yoh anuñ na-merd ola

Her ki âşıkdur gerek bencileyin
Başları gül-gûn u yüzi zerd ola

Çün fenâdur ışk pes âşık gerek
Kamu varlıgdan ki vardur ferd ola

Âşık ol kim oda yahsa anı habîb
Od anuñ cânına bâg u verd ola

Ahmedî terk eyle yâra cânı kim
Işk u cân sevmek be-gâyet serd ola

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |