#

Gönlüm Alalı Âl-ıla İy Serv-i Gonca-leb

Şairin diğer şiirlerini okuyun

Göñlüm alalı âl-ıla iy serv-i gonca-leb
Lâle bigi içüm ü taşum toldı tâb u teb

Lalüñ hayâline inebî perdede gözüm
Ünnâbı oldı dökdügi yaş eyle kim ineb

Pervâne bigi tâbına yandum cemâlüñüñ
Gözüm yüzüñe bahmadugı bu-durur sebeb

Görsün saçuñla yüzüñi rûşen güneş bigi
Gice-y-le gündüzi bir arada iden taleb

Yüzüñe vâlih oldum u zülfüñe şîfte
Lâ-büd recâ vü havfdayam böyle rûz u şeb

Halka kemin işi gözüñüñ kîndür ü kemîn
Kim ögredür bu zâlime bu fitneyi aceb

Ger cânuñ ala yâr eger kanuñı içe
Sabr eyle Ahmedî ki bu yolda budur edeb

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |