#

Berâtu Kadrde Dirler Ki Var Besî Hasenât

Şairin diğer şiirlerini okuyun

Berât u Kadrde dirler ki var besî hasenât
Senüñ saçuñı görene dahı ne Kadr ü Berât

Berâtı ol kişinüñ kadre irişe ki senüñ
Yoluñda cân u cihan virmeg-içün ala berât

Beratdur şeb-i hâcet diyen meger bilmez
Ki Hak senüñ kapuñı itdi kıble-i hâcât

Yüzüñ-durur var-ısa halka îd-ile nev-ruz
Ki kamu gussadan irer seni sevene necât

Senüñ lebüñdür iden kamu cânları ihyâ
Fisânedür dem-i Îsî vü ayn-ı âb-ı hayât

Yüzüñ regâyib-i îd ü saçuñ garâyib-i kadr
Kaşuñdur arada mihrab u kıble-gâh-ı salât

Nicesi ide sıfat Ahmedî kemâlüñi kim
Cihâna gelmedi gelmez dahı senüñ bigi zât

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |