#

Lal-i Lebünde Gizlü-durur Çeşme-i Hayât

Şairin diğer şiirlerini okuyun

Lal-i lebüñde gizlü-durur çeşme-i hayât
Zülfüñde baglu Kadr bigi Leyletü?l-Berât

Göñül sanur ki hûnı gözüñden ilede cân
Devr-i kamerde kim bulısar fitneden necât

Virmiş saña cemâli kemâl-ıla Zü?l-celâl
Üşbu sıfatda bulına mı dahı hîç zât

Kevn ü mekânda kim ola saña nazîr kim
Degmez ayaguñuñ tozına cümle kâyinât

Saçuñ regâyibi ne garâyib-durur ki anun
Her ukdesinde baglu-durur bunca müşkilât

Hâcet gicesidür bu Regâyib zi hayr kim
Kullıgumuñ kabûline buyurasın Berât

Dirsin baña ki Ahmedî ehl-i sebât ol
Işkuñ odına düşene mümkin midür sebât

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |