#

İtmez Nazar Yüzüne Bahan Âfitâba Hîç

Şairin diğer şiirlerini okuyun

İtmez nazar yüzüñe bahan âfitâba hîç
Meyl eylemez tenüñi gören mâh-tâba hîç

Pervîn dişüñ ki menzili olmış-durur kamer
Zînet komadı güher-i dürr-i hoş-âba hîç

Kevser-lebüñ bulan kıla mı âb-ı Hızr?a meyl
Anber saçun gören kala mı müşg-i nâba hîç

Çün lal yañaguñda aha dür bigi derün
Revnak koya mı dahı gül-ile gül-âba hîç

Hicrüñ odında şem bigi yandı varlıgum
Kimse ide mi sabr bu resme azâba hîç

Kılmaz benim gözümi gören Nîl?e iltifât
Deryâ katında baha mı kimse sehâba hîç

Bunca zamân işigüñe yüz sürdi Ahmedî
Lâyık mıdur ki irmeye bir feth-i bâba hîç

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |