#

Anber Saçun Girihlerine El Uralı Bâd

Şairin diğer şiirlerini okuyun

Anber saçuñ girihlerine el uralı bâd
Müşgi Hıtâ-y-ıla dahı itmedi kimse yâd

Bülbül güli yañaguña beñzetdi subh-dem
Gül bunca hâr içinde açılıban oldı şâd

Lalüñ ümî?i olmasa zahmına gamzeñüñ
Kalmaya-y-ıdı dahı kimesnede bûd u zâd

Cânlar alur gözüñ saçun îmâna kasd ider
Ne zâlim ola ki anda bu resme ola nihâd

Ne ukdedür kemendi saçuñuñ aceb ki anuñ
Bendine tolaşan bulımaz tâ ebed güşâd

Her kim kemer kuşamadı zülfüñ hevâsına
Ömrini vây vâ-y-ıla ney bigi itdi bâd

Vasfında gözüñüñ nice sihr itdi Ahmedî
Bir işvesine biñden anuñ virimedi dâd

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |