#

Zi Mey Kim Cân Dimâgını Tolu Müşgü Gül-âb Eyler

Şairin diğer şiirlerini okuyun

Zi mey kim cân dimâgını tolu müşg ü gül-âb eyler
Zi cevher kim yüzüñ rengin gül ü yâkût-nâb eyler

Egerçi akl bünyâdın harâb ider şarâb içmek
İmâretden yig ol yir kim şarâb anı harâb eyler

Getür cânı ki teşvîşin bu akluñ aradan sürsün
Ki akluñ olmaz efkârı dil ü câna azâb eyler

Safâsuz sûfiler baña şerâbı terk it dirler
Nice terk eyleye âkıl anı kim şeyhi şâb eyler

Gül ü lâle açılmışdur bugün hoş geç ko yarını
Çü ömrüñ hâlini bildüñ ki gitmege şitâb eyler

Yiyüp yidürmeyen mâlın cehâletden hatâ işler
İçiben içüren varını sehâvetden savâb eyler

Diyen kim Ahmedî itmiş ya ider bâ?eden tevbe
Ne tevbe hâşa lillâh kim bu halk yañlış hisâb eyler

Ahmedi


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |