#

Âgâz-ı Gazeliyyât 207

Şairin diğer şiirlerini okuyun

Bir nihâl-i nâz-ı kaddün gibi bâg-ı dilde yok
Her gülün zevk-ı temâşâsı dimâg-ı dilde yok
Tîre olmaz cebhe-i hurşîd mevc-i nurdan
Çîn-i gam sahbâ-yı mihnetde ayag-ı dilde yok
İktibâs-ı nûr iderken ma?nî-i rûşen müdâm
Şimdi dûd-ı âhdan gayri çerâg-ı dilde yok
Rûşenâ-yı bahş-ı mihr ü mâhdur her zerresi
Lâleveş hâkister-i efsürde dâg-ı dilde yok
Çokdan olmuşdur gönül Âgâh nâ-peydâ henûz
Bir dil-i dîvâne yokdur kim sürâg-ı dilde yok

Agah


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |