#

Âgâz-ı Gazeliyyât 273

Şairin diğer şiirlerini okuyun

Bî-bâk seyr-i ?ârız-ı yâr itmemek niçün
Sâgarda bâde def?-i humâr itmemek niçün
Olmış çemen şükûfesi hep çeşm-i intizâr
Ey pür-bahâne seyr-i bahâr itmemek niçün
Sayyâd-ı dest-i cân ile rengîn tezerv-i ?afv
Şehbâz-ı tevbe elde şikâr itmemek niçün
Ferdâya salma hâcetini bî-nevâlarun
Ey renc-dost biri hezâr itmemek niçün
Olma çü seyl-i hâne ber-endâz-ı herze-gerd
Bir yerde kûh gibi karâr itmemek niçün
Her sifle dest-i bûsuna varmaz dehânımuz
Bûs-ı ?izârdan bile ?âr itmemek niçün
Deryâda var mıdur güherün kadr ü kıymeti
Âgâh söyle terk-i diyâr itmemek niçün

Agah


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |