#

Âgâz-ı Gazeliyyât 274

Şairin diğer şiirlerini okuyun

Gönül sezâ-yı temâşâ-yı yâr olur bir gün
Mükedder âyînemüz bî-gubâr olur bir gün
Gider bürûdet olur bezm-i vasl-ı germ-â-germ
Kalur mı böyle zemistân bahâr olur bir gün
Alur göz ile bakar gevher-i sirişküme yâr
Budur karîne dür-i gûşvâr olur bir gün
Uzatma çok da tırâş eyle hattunı cânâ
Bu mûra merhamet idince mâr olur bir gün
Müdâm hâk-i mezelletde kalmaz ehl-i hüner
?Akîkın adı çıkar nâmdâr olur bir gün
Felekden itme kabûl âdemiyyet itse dahı
Bu mûmiyâ sebeb-i inkisâr olur bir gün
O vahşiyi bilürüz sayd olur degül Âgâh
Bu sözle eglenürüz kim şikâr olur bir gün

Agah


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |