#

Âgâz-ı Gazeliyyât 64

Şairin diğer şiirlerini okuyun

Egerçi dost yanında gedâlıgum vardur
Zamâna reşk idecek pâdişâlıgum vardur
Henûz sâde midür kîne-cû mıdur bilmem
Ki tâze-?aşkum u nev-mübtelâlıgum vardur
Helâk-i gamze-i nâ-mihribânunam ey şûh
Terahhum eyle ki gâyet fenâlıgum vardur
Halâs mümkün idi zülf-i yârdan ammâ
Esîr-i dâmem u bî-dest u pâlıgum vardur
Bana delîl-i vefâ gâlibâ bu besdür kim
Kadîmden gam ile âşinâlıgum vardur
İşitdüm ol sanemün lutfı bî-vefâlaradur
Benümde sâhte bir bî-vefâlıgum vardur
Bu nev-bahârda hayretde kalmışam Âgâh
Ne bülbülem ne nesîm-i sabâlıgum vardur

Agah


© Bu şiirin her türlü telif hakkı şairin kendisine ve / veya temsilcilerine aittir.
Şiirin telif hakkı sahibiyseniz ve sitemizden kaldırılmasını talep etmek için bize iletişim bölümünden ulaşabilirsiniz.
#

DİĞER SAYFALARIMIZ : Sesli Şiirler | Resimli Şiirler | Video Şiirler |